Juristi Riza Smaka nga AAK, në emisionin Rubikon të KTV-së, ka thënë se Qeveria e Kosovës padrejtësisht po e mbanë të fshehur marrëveshjen e demarkacionit me Malin e Zi.
Si pasojë e fshehjes së marrëveshjes së demarkacionit, Smaka ka thënë se qytetarët nuk janë informuar plotësisht për këtë marrëveshje.
Ai ka thënë se komisioni shtetëror ka mundur të gabojë dhe ka kërkuar që të rishikohet marrëveshja me Malin e Zi, duke shtuar se komisioni ad-hoc i formuar nga ish-presidentja Atifete Jahjaga ka qenë gabim dhe nuk ka bërë asgjë tjetër përpos rishikimit të punës së komisionit shtetëror.
“Presidentja ka bërë gabim pasi nuk ka qenë e autorizuar të bëjë një gjë të tillë, po ashtu personat nuk kanë qenë profesionistë të fushës, përveç njërit. Nuk është punë e Presidentes formimi i komisionit”, ka thënë Smaka.
