Hendbolli përbën krenarinë e sportit ferizajas. E nismat në dobi të përparimit të klubeve ferizajase me traditë që zhvillojnë këtë sport, asnjëherë nuk kanë munguar nga vullnetmirët. Së fundmi kemi edhe nismën e konsolidimit dhe fuqizimit për pjesëmarrje në gara edhe të Klubit të Hendbollit “Kastrioti” – femrat.
Janë sipërmarrës, veteranë të hendbollit e sportdashës që kanë shprehur vullnetin për të konkretizuar këtë mbështetje.
Ishin Agim Imeri, Qëndrim Imeri, Ismet Jupa, Lulzim Abazi e Florim Haxhimusa ata që sot, i prezantuan në zyrën e tij, të parit të Ferizajt, Agim Aliu platformën e vullnetin për të ringjallur KH “Kastrioti”- femrat, përmes investimit të dijes sportive, aftësive menaxhuese e fondeve të nevojshme për ringritjen e klubit.
E riorganizimi i klubeve sportive me qëllim ngjitjen e tyre në majat tabelare mbetet përkushtim i qeverisjes lokale, mbështetjen e vendosmërinë për të cilën e konfirmoi vet qytetari i parë i Ferizajt, Agim Aliu.
