Shqipëria do të luajë me Italinë në kualifikueset e Kupës së Botës 2018, por më parë do të luhet një tjetër sfidë.
Kjo përballje do të jetë një miqësore mes përfaqësueseve të 21-vjeçarëve, sipas trajnerit të Kombëtares Shpresa, Redi Jupi.
Data e takimit do të jetë më 10 gusht dhe mund të zhvillohet në stadiumin e San Benedetos me një kapacitet rreth 15 mijë spektatorë, por ende nuk është zyrtarizuar fusha.
Kombëtarja Shpresa dhe ajo e Italisë së 21-vjeçarëve kanë luajtur disa herë. E fundit ishte në vitin 2007 për eliminatoret e Europianit.
Kjo miqësore do të jetë një provë para ndeshjeve kualifikuese të Euro 2017 me Greqinë dhe Izraelin. Kombëtarja Shpresa do të luajë edhe dy miqësore muajin e ardhshëm, por ende nuk janë përcaktuar rivalët.
