22,02,2024

Shpend Ahmetit i dërgohet ftesa për ceremoninë e inaugurimit të Thaçit

Must Read

shpendi2

Të gjithë kryetarëve të Komunave të Kosovës u janë dërguar ftesa për të marrë pjesë në inaugurimin e Hashim Thaçit si president i Republikës.

Edhe kryetarit të Prishtinës, Shpend Ahmetit i është bërë ftesë për ceremoninë e inaugurimit të Thaçit, më 8 prill në sheshin “Skënderbeu”, në Prishtinë.

Ardian Arifaj, këshilltar i presidentit të ri, ka bërë të ditur për “Zërin” se edhe për kryetarin Ahmeti është dërguar ftesë për të marrë pjesë në ceremoninë e së premtes.

“Po, ftesa i janë dërguar gjithë kryetarëve të Komunave, deputetët të Kuvendit, Doganës, Policisë, Federatave Sportive…”, ka thënë ai.

Ndërsa, Arifaj ka thënë se deri më tani është konfirmuar pjesëmarrja e më shumë se 50 delegacione të ndryshme për në ceremoninë e Thaçit.

Nga ana tjetër, zyrtarë të Komunë së Prishtinës kanë konfirmuar se ftesa për të marrë pjesë në ceremoninë e Thaçit i është dërguar zyrës së kryetarit të Prishtinës.

“Kemi marrë ftesë për ceremoninë e Thaçit”, ka thënë shkurt zëdhënësja e Komunës, Miranda Mullafazliu.

Por, kjo e fundit nuk ka treguar nëse i pari i kryeqytetit do të marrë apo jo pjesë në këtë.

- Advertisement -spot_img
Të fundit

34 mësimdhënës nga Ferizaj, certifikohen në kuadër të projektit të BE-së

34 mësimdhënës nga 3 shkolla të Ferizajt, u certifikuan në kuadër të projektit KosEd. Kryetari i Komunës së Ferizajt, Agim...

More Articles Like This

- Advertisement -spot_img