25,05,2024

Shkupi: Nuk i kemi bllokuar produktet shqiptare në kufi

Must Read

kamionet-620x358

Ministria e Ekonomisë në Shkup bën të ditur se, nuk ka pasur dhe nuk ka kamionë me produkte shqiptare të bllokuar në kufirin midis Shqipërisë dhe Maqedonisë.

Në një njoftim për shtyp, ministria njofton se, për shkak të dyshimeve për sasi të shtuar të pesticideve në produktet bujqësore që vijnë nga jashtë, Agjencia për Ushqimin dhe Veterinarinë ka shtuar kontrollet në vendkalimet kufitare.

Gjatë ditëve të kaluara, 9 kamionë me produkte shqiptare u janë nënshtruar analizave dhe, pas përfundimit të procedurave të nevojshme, janë lejuar të kalojnë kufirin.

Në njoftimin e saj për mediat, Ministria e Ekonomisë citon nenin 17 të “marrëveshjes rajonale për tregtinë e lirë”, ku thuhet se, në qoftë se ekziston dyshimi që produktet e importuara të mund të kenë sasi të mëdha pesticidesh, shteteve u jepet mundësia për t’i ndaluar ose kufizuar ato produkte, deri në analizat përkatëse.

Por eksportuesit shqiptarë, kontrollet dhe analizat e palës maqedonase që zgjasin me ditë i quajnë barriera artificiale, që kanë për qëllim të çojnë në shkatërrimin e produkteve të tyre dhe të pengojnë eksportin e perimeve nga Shqipëria.

 

- Advertisement -spot_img
Të fundit

Arrestohet një person në Ferizaj, i dyshuar se ka kryer rrëmbim të një personi në Fushë Kosovë

Me datë 25.05.2024 rreth orës 09:35 policia rajonale e Ferizajt ka pranuar një informatë me telefon nga një femër...

More Articles Like This

- Advertisement -spot_img