Pas rregullimit të mbi 6 kilometra të shtigjeve për biçikleta komuna e Ferizajt ka vendosur edhe vend parkingje ku mund të parkohen edhe biçikletat.
Këtë e ka bërë të ditur i pari i Ferizajt, Agim Aliu në një postin në rrjetin social facebook. Këto mbajtëse për biçikleta janë vendosur kryesisht në sheshin e qytetit.
“Pa ndotur ajrin, duke shijuar e arritur lehtë çdo kënd të qytetit, pa harruar dobitë e jashtëzakonshme për shëndetin, ferizajasit çdo ditë e më shumë po përdorin biçikletën si mjet transporti. Pas 6 kilometrave shteg të biçikletave që rregulluam e pafund tjera që kemi plan të bëjmë, sot krijuam dhjetëra vendmbajtëse për çiklistët që shëtisin qendrës së qytetit” ka shkruar Agim Aliu.
