Publikuar më:
Projekti i veçantë për vendosjen e hidrantëve (pikave grumbulluese të ujit), i përuruar vitin e kaluar, po vijon edhe këtë vit nga Drejtoria e Shërbimeve Publike dhe Emergjencë.
Përveç hidrantëve të vendosur vitin që shkoi, në qytet do të vazhdoj vendosja e tyre edhe në pika të tjera, por duke u zgjeruar edhe në fshatra të tjerë si në Komogllavë, Prelez, Muhoc, Greme, Varosh dhe Balaj.
Këtë e bënë të ditur drejtori i Shërbimeve Publike dhe Emergjencë, Arben Halili i cili tha se drejtoria që udhëheq ka synim shtrirjen e rrjetit të hidrantëve edhe në pika tjera me qëllim shkurtimin e kohës për intervenimet ndaj zjarrit nga ana e Brigadës së Zjarrfikësve e që me këtë fazë të dytë të këtij projekti numri i përgjithshëm i hidrantëve do të shkoj në 20 hidrantë në gjithë territorin e Ferizajt.
