Pasditen e sotme, me një ceremoni shtetërore, pas vendimit të Kryeministrit të Republikës së Kosovës Ramush Haradinaj, është bërë rivarrimi i eshtrave të Dëshmorit të Kombit të Ushtrisë Çlirimtare të Kosovës, Hysni Kajtazi, nga varrezat e fshatit Polac të Komunës së Skënderajt në Varrezat e Dëshmorëve të Kombit të UÇK-së në Ferizaj.
I pranishëm në këtë ceremoni ishte Kryetari i Komunës së Ferizajt, Agim Aliu, përfaqësues të familjeve të dëshmorëve, invalidë dhe veteranë të UÇK-së.
Dëshmori i Kombit Hysni Kajtazi ra për të mos vdekur kurrë në betejën e 14 dhjetorit të vitit 1998, në kufirin shqiptaro-shqiptar, në vendin e quajtur “Likenet e Hasit”, ku ishte pjesë e formacionit luftarak të UÇK-së, në krye me komandantin Mujë Krasniqi.
