Në takimin e organizuar nga PDK në Ferizaj, deputeti Elmi Reçica ka thënë se janë këtu për të shprehur gatishmërinë e vazhdimit të përkrahjes se për komunën e Ferizajt në ndryshimin dhe transformimin pozitiv mbi bazën e parimeve të demokracisë dhe vlerave të qytetërimit
“Bashkë me kryetarin Kadri Veseli dhe me lidershipin e PDK-së, sot qëndruam në Ferizaj për të shprehur mbështetjen e plotë të Partisë Demokratike të Kosovës për strukturën e re të degës së Ferizajt të udhëhequr nga kryetari Agim Aliu, njëherit për të vazhduar më tej në mbështetje të ndryshimit dhe trasformimit pozitiv e të modernizimit të komunës së Ferizajt.
Koncepti politik dhe doktrina qeverisëse e Dekadës e Re do të angazhohet për konsolidimin e mëtejmë dhe forcimin e Republikës së Kosovës dhe shoqërisë sonë, mbi bazën e parimeve të demokracisë liberale dhe vlerave të qytetërimit, në fuqizimin e shtetit të së drejtës, sundim efikas të rendit dhe ligjit, zhvillimin ekonomik dhe integrimin e plotë të Kosovës” ka thënë Reçica
