25,06,2024

Ramiz Kelmendi synon pozitën e zëvendëskryeministrit

Must Read

Ramiz-Kelmendi

Deputeti i PDK-së, Ramiz Kelmendi, po synon që ta marrë një nga pozitat kryesore në qeverinë e Kosovës, të lëna bosh nga Hashim Thaçi, i cili sot u betua si president i ri i vendit.

Burime të lajmi.net, brenda PDK-së, kanë bërë të ditur se Kelmendi, i cili kishte lënë AAK-në për t’iu bashkangjitur ekipit të Hashim Thaçit në zgjedhjet e kaluara parlamentare, po kërkon post ekzekutiv, dhe hiç më pak se atë të numrit dy të qeverisë.

Kelmendi, ditë më parë kishte kërcënuar partinë e tij me largim, nëse nuk i plotësohej kërkesa për t’u bërë pjesë e kabinetit qeveritar të drejtuar nga Isa Mustafa.

Ai edhe vet e ka pohuar se në PDK ka shkuar për post ekzekutiv, bile të atillë përmes të cilit do t’i koordinonte disa ministri.

“Në këto momente Kosova ka nevojë për dikë që e di se zi bëhet zhvillimi ekonomik. Në momentin kur mua më është premtuar një pozicion i koordinimit pozitiv të disa dikastereve qeveritare në funksion të ngritjes ekonomi, kam menduar të kontribuoj në zhvillimin ekonomik, duke bashkëpunuar me disa ministri”, kishte thënë Kelmendi të nesërmën e publikimit të lajmit në media se ai po përgatiste dorëheqjen nga PDK.

Deputeti pejan i cili ka në pronësi një nga bizneset më të mëdha në Kosovë, atë “ELKOS”, në PDK kishte kaluar nga mesi i vitit 2014, në prag të zgjedhjeve parlamentare.

Tani ende pa i bërë dy vite në parti, Kelmendi po kërkon që t’i besohet pozita kryesore e PDK-së në qeveri. /lajmi.net

 

- Advertisement -spot_img
Të fundit

Miratohet Korniza Afatmesme Buxhetore për vitin 2025-2027

Këtë të enjte është mbajtur mbledhja e Kuvendit të Komunës e kryesuar nga Kryesuesi i Kuvendit të Komunës, Xhavit...

More Articles Like This

- Advertisement -spot_img