28,03,2024

Qetësohet situata pas përleshjes me refugjatët në kufirin Maqedoni-Greqi

Must Read

gjevgjeli-620x330_1460363356-4232846

Situata në kufirin Maqedoni – ­Greqi mëngjesin e sotëm është stabile dhe e qetë, pas tentimit të djeshëm të dhunshëm për hyrje në territorin e Maqedonisë nga ana e refugjatëve të cilët ndodhen në kampin në Idomeni.

Sipas udhëheqësit të QTP Gjevgjeli Zoran Llazarovski, situata në dhe rreth kampit është e qetë, siç është edhe në gurin kufitar 59 dhe në Gjevgjeli dukshëm është rritur prezenca e forcave të sigurisë, të cilët janë të gatshëm të intervenojnë në çdo moment në mbrojtje të kufirit.

Drejtori i spitalit Sretko Jovanov mëngjesin e sotëm për MIA-n deklaroi se vetëm një, nga 15 pjesëtarët e lënduar të forcave të sigurisë për shkak të seriozitetit të lëndimeve në pjesën e gjenitaleve është dërguar në Qendrën klinike në Shkup, ndërsa 14 të tjerët pas sanimit të lëndimeve janë kthyer në njësitet e tyre.

Përndryshe, mbrëmë vonë, refugjatët janë përleshur me policinë e Maqedonisë, pasi ata nuk ishin lejuar ta shkatërrojnë barrikadën me tela ndërmjet Maqedonisë dhe Greqisë, njoftoi REL.

migranti-policija-makedonija-protest-ge_1460363303-9108789

Raportohet se policia ka përdorë gaz lotsjellës dhe plumba gome për t’i kthyer prapa emigrantët, që ishin përgjigjur me hedhje gurësh kundër policisë.

Organizata Mjekët pa Kufij tha se vullnetarët mjekësorë në terren u dhanë ndihmë mjekësore afro 300 vetëve, pasi kishin probleme me frymëmarrje nga gazi lotsjellës dhe lëndimet nga plumbat e gomës.

Së paku 6 të lënduar janë në spital.

Policia e Maqedonisë tha se 23 policë janë lënduar, prej tyre 5 me lëndime serioze.

Kjo dhunë u bë në vendkalimin kufitar Idomeni, ku më se 11 mijë refugjatë janë të vendosur në kamp në pjesën e kufirit grek.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img