E, për të gjitha këto ka folur në emisionin “Euro Tribuna”, përballë Menduh Abazit, drejtori i Agjencisë Kundër Korrupsion, Shaip Havolli.
Sipas tij, 22 aktakuza të ngritura ndaj 22 zyrtarëve të lartë të shtetit shumë shpejtë do të jenë publike. Havolli, ka thënë se ka elemente të mjaftueshme dhe dyshime të bazuara që këta 22 zyrtarë kanë kryer vepra të rënda penale.
“Nuk ka të fortë më, ka përfunduar koha e të fortit para ligjit”, ka thënë ai.
Mbi 100 opinione për shkelje të mundshme të ligjit të prokurimit
Drejtori i Agjencisë Kundër Korrupsion po ashtu ka deklaruar se si agjenci kanë lëshuar mbi 100 opinione për shkelje të mundshme të të ligjit të prokurimit, ku 90 përqind e tyre janë zbatuar nga autoritetet kontraktuese.
E, sa i përket ndryshimit të ligjit të konfliktit të interesit i cili sipas Havollit, pritet që këtë vit të kalojë në Kuvendin e Kosovës, i pari i AKK-së, ka pohuar se pret që ky ligj të zbatohet normalisht dhe të prek edhe nivelet më të larta shtetërore duke përfshirë edhe kryeministrin dhe ministra.
Havolli, ka folur edhe për dhënien e tenderëve për operatorët e ndryshëm ekonomikë, për të cilin ka thënë se kjo po e vendos Kosovën si vendin më të korruptuar në rajon.
Ai nuk ka mohuar faktin që në këtë proces ka disa lëvizje pozitive, por se as nuk ka pohuar se gjatë monitorimit të këtij procesi si Agjenci Kundër Korrupsion kanë hasur në shkelje të ligjit të prokurimit publik.
“Kjo dukuri vazhdon të jetë prapë siç ka qenë më herët sa i përket korrupsionit, megjithatë po them prej vlerësimit tim tre mujor dhe bazuar në informacionet që i marr nga ky divizion ka një zhvillim pozitiv”, ka theksuar Havolli.
.
