28,03,2024

Policia Rajonale e Ferizajt prezanton Aplikacionin digjital ‘’Lajmëro policinë’’

Must Read

Drejtoria Rajonale e Policisë në Ferizaj, ka shpalosur aplikacionin digjital ‘’Lajmëro
Policinë’’, i cili ofron mundësi shumë të mira kontakti të qytetarëve me policinë në
raportimin e rasteve nga më të ndryshmet.
Shpjegimet dhe udhëzimet më të hollësishme lidhur me këtë aplikacion po bëhen
sot edhe nëpër fshatra të Ferizajt , në prani edhe të medieve lokale të Ferizajt.
Policia rajonale ditë më parë, këtë aplikacion digjital, përmes fletushkave e ka
shpërndarë në qytetet e rajonit , si në : Ferizaj , Kaçanik, Shtime, Shtërpcë dhe
Hani Elezit , mirëpo vetëm në sheshet e këtyre qyteteve , ndërsa nga sot këtë
aktivitet e ka nisur edhe nëpër fshatrat e këtyre qyteteve, duke bashkëbiseduar me
qytetarë nga afër, në rrugë , në shkolla, në markete e dyqane, ngaqë rastet
kriminale manifestohen edhe nëpër këto zona, e jo vetëm në qytet.
Qytetarëve po u shpjegohet se, përmes kësaj platforme elektronike, iu mundësohet
t’i raportojnë të gjitha rastet kriminale në Policinë e Kosovës , duke ndjekur disa
hapa për përdorimin e këtij aplikacioni, si një alternativë e re , e pakufizuar në kohë ,
mundësi dhe territor.
Përmes aplikacionit, qytetari vetëm brenda pak sekondash, mund të ndajë
informacione me policinë.
Aplikacioni ofron transparencë, konfidencialitet, pasi që të gjitha raportimet
dokumentohen dhe denoncimi i qytetarëve mund të mbetet anonim , varësisht nga
vetë përzgjedhja e tij.
Kësisoj, qytetarët nëpër këto zona u njoftuan edhe për dhunën në familje, se dhuna
në familije mund të ketë ndikim fizik dhe emocional, se ajo mund të ndikon edhe tek
fëmijët, pastaj qytetarët u njoftuan se kujt duhet drejtuar nëse shihni dhunë në
familje.
Me këtë rast, Drejtoria Rajonale e Policisë në Ferizaj, fton qytetarët që të shkarkojnë
këtë aplikacion në telefonat e tyre dhe për të gjitha rastet kriminale , pa asnjë hezitim
t’a njoftojnë menjëherë policinë, stacionin më të afërt, apo përmes këtij aplikacionit
digjital ‘’Lajmëro Policinë ‘’ dhe në numrat kujdestarë : 192 ,0290/326-250 &
0290/322-406.
Të dhënat e juaja do të ruhen në konfidencialitet të plotë.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img