15,05,2024

Për 6 muaj, 500 mijë kërkesa për rimburësim në ATK

Must Read

Numri i aplikacioneve që qytetarët janë duke i dorëzuar për rimburësim në Administratën Tatimore të Kosovës (ATK) edhe më tutje vazhdon të mbetet i lartë, pavarësisht ndryshimit të formës së rimburësimit.

Gjatë gjashtë muajve të parë të këtij viti 490.677 aplikacione janë dorëzuar për rimburësim në Administratën Tatimore të Kosovës (ATK).

Sipas të dhënave zyrtare, gjatë tremujorit të parë të këtij viti kanë qenë 354.215 aplikacione, derisa gjatë tremujorit të dytë kanë qenë dukshëm më pak, 136.462 aplikacione, shkruan Zëri.

Zyrtarë të ATK-së thonë se pas ndryshimit të formës se kompensimit ka rënë numri, por, sipas tyre, edhe më tutje mbetet i kënaqshëm.

“Duke pasur parasysh se ka qenë periudha e parë pas ndërrimit të formës së rimburësimit, lirisht mund të themi se interesimi ka qenë i kënaqshëm. Ashtu siç e dini, për TM2 2017 kanë aplikuar 136.462 qytetarë, që nëse e krahasojmë me periudhën e parë kur ka filluar kampanja kemi diku 4-5 herë më shumë aplikime. Ndërsa për TM1 2017 numri i qytetarëve që kanë aplikuar ka qenë 354.215”, tha Valentina Bytyqi – Sefa, nga Zyra për Komunikim me Publikun në ATK.

Edhe me modelin e ri të rimburësimit ATK-ja pret nga qytetarët ta rrisin interesimin e tyre për të kërkuar kuponë fiskalë pas çdo blerjeje. /Telegrafi/

- Advertisement -spot_img
Të fundit

Vëmendje: Ata që nuk regjistrohen do të gjobiten nga shteti

Ligji Nr. 08/L-114 për Regjistrimin e Popullsisë, Ekonomive Familjare dhe Banesave, në nenin 23 parasheh sanksione kundërvajtëse me GJOBË...

More Articles Like This

- Advertisement -spot_img