Talentët e Ferizajt asnjëherë nuk zhgënjejnë. Janë nxënësit e Gjimnazit “Kuvendi i Arbërit” të cilët zunë vendin e parë në Garën Republikane në Beach Volley, çka tash i bën përfaqësues të Kosovës në garën ndërkombëtare që mbahet ditëve në vijim në Izrael.
Fituesit e Gjimnazit “Kuvendi i Arbërit” i ka pritur edhe kryetari i Ferizajt , Agim Aliu, i cili ka uruar ata për suksesin dhe u ka dhënë mbështetje edhe për garat që do të mbahen së shpejti në Izrael.
“Sot, me drejtorin e Arsimit, takova këta talentë bashkë me drejtorin e Gjimnazit dhe profesorin e kulturës fizike në këtë shkollë, për t’i dhënë gjithë përgëzimin tonë për këtë arritje dhe mbështetjen tonë për sukseset e reja” ka shkruar kryetari Agim Aliu.
