Braziliani Neymar, nuk po kalon një edicion të mirë. Në 27 paraqitje, ai ka shënuar vetëm nëntë gola, shifra dëshpëruese këto për një lojtar si Neymar, i cili shpreson të gjejë më shpesh rrugën drejt golit.
“Është e komplikuar kur ju nuk shënoni gola, sidomos nëse luani në sulm, ku pritshmëritë gjithmonë janë të mëdha”, tha fillimisht Neymar.
“Kështu që është keq, është zhgënjyese, por kjo nuk është gjëja e parë për të cilën duhet të brengosem. Unë jam i fokusuar që të fitojmë ndeshjet, jo ajo që bëj unë, ose se cili lojtar do të shënojë gola. Me rëndësi të fitojë ekipi”, shtoi braziliani.
