Nënkryetari i Ferizajt, Arton Gavazi së bashku me drejtorin e Arsimit, Afrim Llabjani vizituan sot shkollën “Ahmet Hoxha” në Ferizaj për të parë zhvillimin e procesit mësimor si dhe shkollën e fshatit Zaskok, për të ndjekur nga afër përgatitjet e furnizimet që ka kjo shkollë në ballafaqim me pandeminë e virusit COVID-19 porse edhe për të parë punimet që po zhvillohen në objektin e ri të shkollës, investim ky tejet i nevojshëm për banorët e këtij fshati dhe zonave përreth.
Drejtori Llabjani tha se si Drejtori e Arsimit tashmë kanë furnizuar me materialet e nevojshme mbrojtëse e higjienike të gjitha shkollat kurse sa i përket punimeve në objektin e ri të shkollës tha se po punohet e do të intensifikohen punimet me qëllim që në kohë optimale t’i ofrohen nxënësve e mësimdhënësve të kësaj shkolle, këto hapësira të reja.
Të kënaqur me punimet në objektin e ri por edhe me furnizimet që ka ofruar Drejtoria e Arsimit, u shprehën edhe drejtuesit e shkollës “Naim Frashëri” në Zaskok të cilët thanë se deri më tash, përkundër rrethanave të pandemisë, procesi mësimor po vijon normalisht.
