Qeveria e Kosovës e ka miratuar draft-konceptin për letërnjoftim, i cili parasheh që qytetarët e Republikës së Kosovës të pajisjen me letërnjoftim që nga momenti i lindjes.
“Qëllimi i hartimit të këtij koncept-dokumenti është të parashihet e drejta që pajisja me letërnjoftim të bëhet që nga momenti i lindjes së fëmijës. Kjo ndihmon dhe ofron lehtësira në udhëtimi dhe kjo lidhet edhe me planin e punës së Qeverisë”, tha para kabinetit qeveritar ministri i Punëve të Brendshme, Bejtush Gashi, në mbledhjen e sotme të Qeverisë.
