Policia e Ferizajt në 24 orët e fundit ka ndaluar 3 persona të cilët nuk i kanë respektuar masat e qarkullimit.
Zëdhënësi i Policisë për rajonin e Ferizajt Agim Gashi, tha se njëri nga ta është dërguar në mbajtje për 48 orë, për shkak se ka qenë nën ndikim të alkoolit.
“Në 24 orët e fundit Policia ka hasur në 3 persona që nuk e kanë respektuar vendimin ku dy nga ta pas intervistimit me urdhër të prokurorit janë liruar, ndërsa i treti është mbajtur 48 orë pasi ka qenë nën ndikimin e alkoolit ku dhe i ka shkelur këto masa”, tha Gashi.
Gashi tha se Policia është në pikat të cilat e kufizojnë Ferizajn dhe nuk po hasin në telashe, transmeton Televizioni Tema.
“Policia është duke qëndruar në pika te kontrollit pasi Ferizaj është në karantinë dhe nuk është duke u hasur ndonjë problem, qytetarët janë duke e respektuar vendimin, përveç atyre që kanë leje për qarkullim.
Komuna e Ferizajt është shpallur zonë karantinë që 4 ditë.
