Ai ka folur edhe për disa tema të bujshme politike të fundit. Ndocaj, teksa foli për çështjen Haradinaj është shprehur se Shqipëria duhet t’i dërgojë notë proteste Francës, që ka ndaluar kreun e AAK-së.
“Shqipëria duhet t’i dërgojë notë proteste Francës, për shkak të ndalimit të Ramush Haradinajt, një hero i gjallë për kombin tonë. Franca është ngritur mbi parimin e lirisë dhe të vëllazërisë dhe jo mbi atë të padrejtësisë. Shteti shqiptar nuk duhet të heshtë për rastin Haradinaj”, tha ai.
Deputeti socialist ka thënë edhe se administrata në Shqipëri dhe klasa politike duhet të marrin shembull nga presidenti i ri amerikan, Donald Trump.
Sipas tij, vetëm me një politikë sikundër ajo që aplikohet në Shtetet e Bashkuara aktualisht, vendi ynë mund të dalë nga gjendja në të cilën ndodhet.
