Sipas njoftimit të ministrisë, gjatë ceremonisë së nënshkrimit të këtij memorandumi, u.d ministri Matoshi tha se ndërtimi i deponisë është një nga projektet që po realizojnë në Komunën e Pejës, për përmirësimin e gjendjes se mjedisit në këtë komunë.
“Ndërtimi i kësaj deponie do të fillojë këtë vit dhe do të vazhdojë dhe vitin që vjen me përkrahjen e donatorëve ndërkombëtar” , tha Matoshi.
Matoshi deklaroi po ashtu se në Pejë do të fillojnë dhe me ndërtimin e impiantit për trajtimin e ujërave të zeza, të cilin MMPH e financon me 4 milionë euro kurse komuna me rreth 3 milionë euro plus shpronësimet.
Ndërsa kryetari i Komunës së Pejës, Gazmend Muhaxheri, falënderoi MMPH-në për financimin e projektit për ndërtimin e deponisë në komunën që ai drejton.
