Ministria e Kulturës, Rinisë dhe Sportit dhe Komuna e Deçanit kanë nënshkruar sot një Memorandum Bashkëpunimi, nëpërmjet të cilit ministria investon 350 mijë euro për renovimin e Stadiumit të qytetit të Deçanit.
Sipas një komunikate për media të MKRS-së, me këtë memorandum ndihmohet infrastruktura e sportit të Deçanit, dhe njëkohësisht krijohen parakushte për avancimin e mëtejmë të këtij sporti në Kosovë.
Ministri i këtij dikasteri Kujtim Shala, citohet të ketë thënë se ky investim është shumë i rëndësishëm në këtë periudhë kur futbolli i Kosovës është para fazës finale të ndërkombëtarizimit.
Ministri Shala ka bërë të ditur se MKRS-ja po punon në disa drejtime për avancimin e sportit të Kosovës: në infrastrukturë, në legjislacion dhe në krijimin e lehtësirave financiare për funksionim sa më të pavarur të sportit të Kosovës.
Në komunikate thuhet se kryetari i Deçanit, Rasim Selmanaj ka qenë mirënjohës për investimin dhe ka thënë se me këtë investim kapital për futbollin e Deçanit, krijohen kushte të volitshme dhe moderne për zhvillimin e futbollit në k të vend.
