Kuvendi i Komunës së Ferizajt u mblodh sot në punimet e rregullta ku u mor një seri vendimesh në dobi të jetës së qytetarëve.
Pas diskutimeve publike dhe propozimeve nga komunitetet fetare dhe qytetarët u vendos që të miratohet rregullorja e re për varrezat , shërbimet e varrimit , rregullimin dhe mirëmbajtjen e tyre. Kjo pikë e diskutimit u shoqërua me komente e debate për gjendjen aktuale të varrezave të reja të qytetit por në fund u miratua si e plotë për t’u zbatuar.
Ndërkaq me shumë diskutime u përcolll edhe një pikë e rendit të ditës e cila ka të bëjë me hartimin e një rregulloreje të re e cila do ët vihet në diskutim publik dhe ka për qëllim të vë rend e rregull në qytet dhe për vendosjen e përkohshme të objekteve nëpër hapësirat publike. Drejtori për Urbanizëm dhe Mjedis Lulzim Aliu pohoi se pret komente e propozime për ta bërë një rregullore sa më funksionale, ndërsa deputetët dhanë propozimet që duhet të inkorporohen në këtë rregullore.
Arian Imeri, shef i grupit parlamentar të Partisë Demokratike të Kosovës, ka thënë se kjo rregullore ka qenë mese e domosdoshme që të behet në mënyrë që të krijohet një rend për hapësirat publike që ipen në shfrytëzim.
Ndërkaq Imri Hashani nga Lidhja Demokratike e Kosovës, ka qenë pro, që kjo rregullore të del në diskutim publik, por ka thënë se pas miratimit të saj të respektohet dhe të punohet në bazë të kësaj Rregullore.
Pas diskutimeve për vendosje të objekteve të përkohshme në hapësirat publike dhe menaxhimin e këtyre hapësirave u vendos që ky draft dokument të dalë në diskutim publik.
Ndërkaq gjatë punimeve të mbledhjes u miratua edhe Rregullorja komunale për Transparencës.
Ndërkaq drejtorja e Financave, Sebahate Ajeti-Sadiku para të pranishmeve ka prezantuar raportin financiar janar-qershor 2019, ku anëtaret e Kuvendit diskutuan në pika të shkurtra në lidhje më këtë raport.
Në këtë mbledhje u mor vendim për destinimin e ngastrës kadastrale 571-0dhe pjesëve të ngastrës kadastrale të Zonës kadastrale në Ferizaj, për ndërtimin e objekteve të zyrave rajonale të Agjencionit të Ushqimit dhe Veterinarisë (AUK).
U vendos poashtu destinimi i ngastrës për ndërtimin e pishinës gjysmë olimpike në Ferizaj.
Ndërsa gjatë punimeve të mbledhjes së sotme të Kuvendit të Komunës u diskutuan edhe raportet për ndërmarrjet publike siç janë: K.R.U.K “Bifurkacioni”, ”KRM “Pastërtia”, N.P.Sh.A “Stacioni i Autobusëve” si dhe N.P. L “Ambienti” në Ferizaj ku këshilltarët komunalë dhe drejtuesit e këtyre kompanive diskutuan sfidat dhe punët të cilat po bëhen këto kompani.
