Medie të Beogradit sot kanë spekuluar se kush mund të jetë ministër i ardhshëm i Ministrisë së Bujqësisë e Zhvillimit Rural në Qeverinë e Kosovës, transmeton Koha.net.
Transmetuesi publik i Serbisë ka marrë vesh jo zyrtarisht se pritet që ministër i ardhshëm i Bujqësisë të jetë Boban Stankoviq nga Partia e Pavarur Liberale.
Kryetari i Partisë së Pavarur Liberale është Sllobodan Petroviqi i cili kohë më parë ishte ndaluar në pikën kufitare të Merdarit nga policia e Serbisë dhe ishte marrë në pyetje për aktivitetin e tij politik në Kosovë.
Rts thotë se ende nuk ka konfirmim zyrtar lidhur me këtë emërim pas lirimit të sotëm nga detyra e ministrit të Bujqësisë Nenad Rikalo nga Lista Serbe.
Stankoviq deri më tash ka qenë zëvendësministër në MKRS.
Para dhjetë vjetësh ka qenë ministër për Komunitete e Kthim.
