Paulo Dybala ka thënë se e dëshiron Leo Messin në Juventus.
Sulmuesi i Juventusit, Paulo Dybala, ka thënë se e dëshiron transferimin e Leo Messit në Serie A.
22-vjeçari tha se ylli i Barcelonës “bën gjëra të cilat nuk mund t’i bëjë askush”, dhe do të dëshironte që ai të largohet nga Barcelona dhe t’i bashkohet Juventusit.
“Messi është idoli im”, tha Dybala për ‘Corriere della Sera’
“Pasi Ronaldinho nuk luan më, do ta dëshiroja Messin te Juventusi.”
Por, duhet të përmendet se Messi është lojtar i Barcelonës që nga mosha 13-vjeçare dhe pritet të mbetet me gjigantin katalan deri në fundin e karrierës së tij, andaj dëshira e Dybalas me shumë gjasë nuk do të realizohet. /Gazeta Blic/
