Drejtori i Drejtorisë së Zhvillimit Ekonomik dhe Turizmit, Balton Derguti, bashkë me ekipin e tij, sot kanë shpërnda materiale informuese, për vendet që mund të vizitohen në Komunën e Ferizajt.
Qëllimi i këtij aktiviteti, ishte që të informohen qytetarët e sidomos mërgimtarët për vendet me rendësi kulturore, historike e natyrore.
Qytetarët u pajisen me materiale të ilustruara që do t’ju ndihmojnë të vizualizojnë bukurinë e këtyre destinacioneve.
Drejtori Dërguti, ka thënë se janë të përkushtuar që mërgimtarëve t’ju ofrojnë vende të veçanta që të vizitohen.
“Jemi të përkushtuar të bëjmë pushimet tuaja me shumë kujtime të bukura, duke ofruar një përmbledhje tërheqëse të vendeve që duhet të vizitoni gjatë kohës së pushimeve”, tha Dërguti.
Kjo nismë ka filluar sot dhe do të vazhdojë gjatë këtyre ditëve në shesh e qytetit.
