Majlinda Kelmendi ka fituar në çerekfinale të kampionatit botëror në Tokio ndaj xhudistes japoneze Ai Shishime, nga e cila ishte mposhtur në botërorin e 2017-ës.
Kampionia Olimpike u kualifikua në gjysmëfinale, ku e pret kampionia e tanishme e botës, Uta Abe, me të cilën do të përballet për herë të parë.
Majlinda Kelmendi shënoi sot në Tokio dy fitore, ndërsa një e kaloi pa luftë, për t’u kualifikuar në çerekfinale, në një konkurrencë tejet të fortë.
Kelmendi në raundin e dytë mposhti Lux Olvera të Meksikës, ndërsa në raundin e tretë polaken, Agata Perenc.
