22,06,2024

LDK e rezervuar për krijimin e një Tribunali që do të gjykonte krimet e serbëve në Kosovë

Must Read

Deputeti i LDK-së, Armend Zemaj, ka folur për krijimin e Tribunalit Ndërkombëtar, që do të gjykonte krimet e serbëve në Kosovë.

Ai ka thënë se këtë iniciativë të kreut të Kuvendit, Kadri Veseli, e sheh më shumë si garë mes partnerëve në koalicion.

“Kemi dëgjuar për këtë iniciativë. Sa i përket kësaj ideje, s’kemi parë asgjë në letër por veç si ide që është proklamuar, apo si thirrje që krimet e serbëve në Kosovë të marrin një verdikt, e ky verdikt është të marrin dënime të gjithë ata kryen vepra kriminale, që për ne janë gjenocidiale e lënë pasoja të mëdha ndaj popullsisë në Kosovë”, tha ai në KTV.

Zemaj, thotë se LDK-ja janë të rezervuar të deklarohen rreth kësaj teme.

“Nëse i atribuohemi OKB-së, kërkesa për një Tribunal të tillë nuk është lehtë e realizueshme duke pasë përballë që në OKB, ka shtete që jo vetëm se kanë njohur Kosovën por edhe mbajnë qëndrim ndaj shtetit tonë”, tha ai.

Në aspektin procedural dhe politik, krijimi i këtij Tribunali, Zemaj thotë se është e pamundur por veç deklarative.

Sipas deputetit të LDK-së, këtë e sheh si një lloj gare mes partnerëve të koalicionit.

“Fatkeqësisht, sepse kjo temë është e ndjeshme. Mbi 1600 persona i kemi ende të zhdukur. Kjo temë, në këto rrethana, është veç garë mes dy krerëve të koalicionit”, tha Zemaj.

Sipas tij, sa i përket kësaj teme është me rëndësi të ruhet uniteti në Kuvend.

Zemaj, thotë se nuk beson që këtë iniciativë ta përkrah OKB-ja.

- Advertisement -spot_img
Të fundit

Miratohet Korniza Afatmesme Buxhetore për vitin 2025-2027

Këtë të enjte është mbajtur mbledhja e Kuvendit të Komunës e kryesuar nga Kryesuesi i Kuvendit të Komunës, Xhavit...

More Articles Like This

- Advertisement -spot_img