Ferizaj

Largohen dy deponi ilegale të mbeturinave inerte, në Zaskok dhe afër Universitetit të Shkencave të Aplikuara në Ferizaj


Publikuar më:


Ekipet e mirëmbajtjes të Kompanisë “Pastërtia” dhe NPL “Ambienti” së fundmi kanë larguar një sasi prej dhjetëra tonelata mbeturina inerte në dy pika të ndryshme. Është deponia ilegale e mbeturinave inerte në fshatin Zaskok dhe deponia ilegale e mbeturinave në afërsi të Universitetit të Shkencave të Aplikuara dhe shkollës ekonomike “Faik Konica”, ato që janë larguar.

Përgjegjësit njoftuan se aksione të tilla po realizohen vazhdueshëm në pika të ndryshme të qytetit dhe fshatra, pika këto të identifikuara ne bashkëpunim me GIZ-in Gjerman, mirëpo është shqetësuese papërgjegjshmëria qytetare për të krijuar deponi të tilla ilegale, e që në këtë rast, drejtues të Drejtorisë së Shërbimeve Publike dhe Emergjencë apelojnë tek qytetarët për mbrojtje të mjedisit duke hedhur mbeturinat në vendet e përcaktuara për to.

To Top