Në fjalën e saj gjatë homazheve në varrezat e dëshmoreve në Rogovë të Hasit, Kusari-Lila ka thënë se elitat politike duhet të punojnë më shumë në mënyrë që Kosovë të bëhet vend më i mirë për qytetarët e vet, shkruan lajmi.net
“Nëse dikur ka qenë patriotizëm të luftohet e të vdiset për liri, sot patriotizëm është të punohet ndershëm për të mirën e vendit dhe brezave të ardhshëm”, është shprehur kryetarja e Gjakovës.
Ndryshe në këtë ditë është bërë edhe inaugurimi i Kompleksit Memorial të Dëshmorëve në fshatin Rogovë, një investim ky nga komuna e Gjakovës.
Rënia e dëshmorëve në këto fshatra ishin humbje e madhe për UÇK-në në Rrafshin e Dukagjinit, pasi në këtë grup ishin disa nga komandandët e shquar si Agron Rama e Agim Zeneli. /Lajmi.net/
