Ferizaj. 01.01.2018. Kryetari Aliu në minutat e para të vitit 2018, vizitoi institucionet e sigurisë dhe shërbimeve shëndetësore.
Në ndërrimin e motmoteve, kryetari i komunës së Ferizajt, Agim Aliu, ka vizituar institucionet e ndryshme publike të këtij qyteti.
Me këtë rast Aliu ka vizituar pjestarët e FSK-së në Qendrën e Stërvitjes dhe Doktrinës së Forcës së Sigurisë së Kosovës, në Ferizaj.
Aliu ka thënë se në këto çaste të dërrimit të motmoteve po i ndanë së bashku me të gjithë punëtorët, të cilëve nata më e hareshme e vitit u ka qëlluar edhe natë pune..
Kryetari i Komunës së Ferizajt, më tej ka vizituar edhe drejtuesit e Policisë së Kosovës nga ku ka vazhduar vizitën e tij edhe në Brigadën e Zjarrfikësve të Ferizajt, ku në prag të ndërrimit të moteve, në punë kishin qëlluar zjarrfikës, të cilët po festonin në vendin e tyre të punës.
I pari i qytetit të Ferizajt, vizitën e tij, e përfundoi në institucionet shëndetësore te Ferizajt
Policia e Kosovës, zjarrëfikësit, mjekët dhe infermierët e Qendrës Kryesore të Mjekësisë Familjare dhe Spitalit Rajonal si dhe Forca e Sigurisë së Kosovës janë kurdoherë në nivel të detyrës për të garantuar siguri dhe shërbime efikase ndaj qytetarëve.
