Pas rastit të fundit pozitiv me COVID – 19 në qeverinë komunale të Ferizajt, testit i janë nënshtrur edhe kryetari i Ferizajt, Agim Aliu dhe zyrtarë tjerë të qeverisë komunale.
Përmes një informate, kryetari i Ferizajt, Agim Aliu, ka bërë të ditur se ka rezultuar negativ ndërsa janë në pritje të rezultateve edhe për zyrtarët tjerë.
Ky është njoftimi i plotë.
Të dashur bashkëqytetarë!
Pas konfirmimit pozitiv me virusin COVID-19 të njërit nga drejtorët e Komunës, iu nënshtrova testit për këtë virus bashkë me stafin tim dhe gjithë ekzekutivin. Nga rezultatet që pranova, doli se jam NEGATIV në testin e virusit COVID-19, kurse për anëtarët tjerë të kabinetit tim, jemi në pritje të rezultateve.
Ju lus, mos shpërfillni këtë virus, respektoni masat mbrojtëse, duke ruajtur kështu shëndetin tuaj e të familjes.
Vazhdojmë, me punë të dobishme për Ferizajn e ferizajasit!
Ju faleminderit të gjithëve që gjatë këtyre ditëve, ndatë shqetësimin me ne!
