Kryeministri turk, Binli Yildirim ka thënë se Turqia nuk do të motivohet nga dëshira për hakmarrje ndaj organizatoreve të grusht shtetit, dhe do ti rikthehet sundimit të ligjit.
“Turqia do i rikthehet sundimit të ligjit dhe nuk do të motivohet nga dëshira për hakmarrje në ndjekjen e të dyshuarve si organizator të grusht-shtetit të dështuar”, ka thënë Yildirim.
Autoritetet kanë arrestuar më shumë se 7500 persona në lidhje me grusht-shtetin e dështuar që raportohet se u organizua nga një pjesë e ushtrisë së vendit, shkruan Reuters.
300 persona humbën jetën gjatë përpjekjeve për të marrë pushtetin nga ana e ushtrisë turke.
