28.01.2018
Kryeministri i vendit, Ramush Haradinaj, gjatë pasdites së sotme, ka takuar deputetin Labinot Tahiri, i cili ditë më parë është dorëhequr nga postet në Aleancën Kosova e Re, të Behgjet Pacollit.
Për takimin ka njoftuar vetë kryeministri Ramush Haradinaj, duke vlerësuar lartë angazhimin e deputetit të njohur si Labi.
Haradinaj ka thënë se me Labin, ka biseduar për tema të rëndësishme, që i preokupojnë qytetarët e vendit.
“Kënaqësi të bashkëbisedoj me deputetin, Labinot Tahiri, për temat aktuale në vend dhe preokupimet e qytetarëve tanë”.
“E vlerësoj angazhimin e tij të sinqertë për t’u dhënë zgjidhje temave të interesit nacional, në të mirë të qytetarëve”, ka shkruar Haradinaj.
E kryeministri Haradinaj, po i shfrytëzon edhe të dielat për tu takuar me deputetët e Kuvendit. Siç duket Haradinajt nuk po i bën përshtypje refuzimi i vizave. Ndonëse këto ditë ai nuk ka zhvilluar asnjë takim me ndonjë ndërkombëtarë për të biseduar rreth zhvillimeve të fundit në vend.
