Sipas këtij portali, sizmologu kujdestar i Entit Gjeofizik në Fakultetin e Shkencave Matematiko-Natyrore, Snjezhan Prelomnik ka thënë se do të ketë tërmet pasues, transmeton lajmi.net.
“Marrë parasysh fuqinë e tërmetit, janë të mundshme dëmë më të vogla. Na mbetet që ta përcjellim situatën. Pas kësaj dridhjeje, mund të ketë sërish tërmete më të dobët. Është vështirë të thuhet se mund të pasojnë edhe tërmete të fuqishme”, ka thënë ai.
Nga Shërbimi Sizmologjik u është bërë thirrje qytetarëve që mos të panikohen dhe kanë shtuar se Spliti është rajoni më i rrezikuar.
Megjithatë, nuk ka rrezik nga cunami.
Tërmeti i shkallës 4.7 të Rihterit në orën 13 e 58 minuta ka dridhur Kroacinë, kurse është ndjerë edhe në Bosnjën fqinje. /Lajmi.net/
.
