Ferizaj

Kroaci: Aksidentohet autobusi nga Kosova, dyshohet për 10 të vdekur


Publikuar më:



Të paktën 10 persona raportohet të jenë vdekur si pasojë e një aksidenti që ka ndodhur mëngjesin e së dielës në Kroaci.

Gazeta kroate Jutarnji.hr njofton se po ashtu janë lënduar edhe 30 të tjerë.

Sipas kësaj gazete autobusi i aksidentuar është me tabela të Kosovës dhe se vinte nga Frankfurti në drejtim të Kosovës, përcjell Klankosova.tv.

Shefi i Policisë Rrugore në Stacionit Policor Slavonski Brod, Franjo Galiq, dha një deklaratë nga vendi i aksidentit, duke dhënë detaje për rastin.

“Në orën 6:22, Departamenti i Policisë Brod-Posavina mori një raport se një autobus ishte aksidentuar. Me të arritur në vendin e ngjarjes, u përcaktua se ishte një autobus me targa të Kosovës në linjën e rregullt Frankfurt – Prishtinë. Një hetim është duke u zhvilluar. Disa njerëz vdiqën dhe rreth 30 u dërguan në spital. Çdo informacion i mëtejshëm do të jetë në dispozicion pasi të ketë përfunduar hetimi”, tha Galiq.

Ai nuk mund të thoshte saktësisht se sa njerëz vdiqën, por në kohën e dhënies së një deklarate nga Administrata e Policisë ata thanë se të paktën dhjetë njerëz ishin vrarë”.

“Përveç policisë, në vendin e aksidentit janë edhe anëtarët e ekipit të zjarrfikësve, dhe ambulanca erdhi disa herë sepse deri në 30 persona u transferuan në spital. Deri më tani, nuk është një shenjë se sa rëndë u plagosën ata njerëz”.

“Unë kam qenë në shumë aksidente, por ky është me të vërtetë i rëndë dhe mendoj se është një nga aksidentet më të rënda që kam parë. Autobusi ishte plot, por nuk mund të them nëse kishte fëmijë mes të vdekurve ose të plagosurve. Sipas udhëtarëve, kishte mbi 60 persona në autobus”, tha Galiq.

To Top