Kjo është deklarata e Kane pas humbjes nga Belgjika

Anglia është mposhtur nga Belgjika me rezultat 2-0, duke humbur mundësinë të stolisen me medaljen e bronztë në Kampionatin Botëror.
“Në pjesën e dytë ne luajtëm me të vërtetë mirë”, ka thënë fillimisht Kane pas ndeshjes.
“Ne i kishim ata nën dominim për gjysmën ore dhe thjesht vetëm nuk mundëm të gjejmë golin. Kishim një gol të hequr nga vija e portës dhe kemi vënë presion mbi ta”.
“Djemtë nuk mundën të japin më, ka qenë një turne i vështirë”.
“Belgjika është padyshim një ekip i mirë, nuk mund të fajësoj djemtë, kemi dhënë gjithçka”, përfundoi kapiteni i Anglisë.