Kandidatët për deputetë në Kuvendin e Kosovës nga radhët e Partisë Demokratike të Kosovës në Ferizaj kanë takuar mjekët ferizajas.
“Emra të nderuar të mjekësisë, personalitete me kontribute të rëndësishme në shëndetësinë e Ferizajt dhe Kosovës, sonte zhvilluan një takim me kandidatët për deputetë nga PDK e Ferizajt, në shpalosje të programit tê #Rimëkëmbjes” ka shkruar deputeti Elmi Reçica.
“Profesionistët shëndetësor, pa mëdyshje, shprehën mbështetjen e tyre të plotë, për programin e #Rimëkëmbjes që parasheh investime e reforma të mëdha në sistemin shëndetësor, rritjen e pagave për mjekët dhe infermierët, fondin e sigurimeve shëndetësore, barnat falas për të sëmurit kronik dhe investime tjera të mëdha në këtë fushë. Duke mbështetur #Rimëkëmbjen, profesionistët shëndetësor mbështesin fuqishëm edhe kandidatët e PDK-së së Ferizajt për Kuvendin e Republikës, prirë nga Kryeministri në ardhje, Enver Hoxhaj” thuhet në njoftimin e PDK-së në Ferizaj
