Prof.Dr. Heset Cakolli ka ndërruar jetë në moshën 59 vjeçare.
Familjarë të Prof.Dr. Heset Cakolli kanë bërë të ditur se sot ai ka ndërruar jetë në moshën 59 vjeçare.
Heset Cakolli ishte një nga kuadrot ferizajase i cili kohë të gjatë punoi në arsimimin dhe përgatitjen e kuadrove të reja në kuadër të Universitetit të Prishtinës pranë Fakultetit Teknik.
Që nga viti 1982 ishte zgjedhur asistant praktikant e deri më sot ka kaluar nëpër të gjitha thirrjet akademike deri te professor i rregullt në Universitetin e Prishtinës, Fakulteti i Inxhinierisë Mekanike.
Ishte udhëheqës teknik, në Fabrikën “Minex” në Ferizaj, 1981, Deputet i Kuvendit të Kosoveës 2008-2010, Anëtar i komisionit funksional për arsim, shkencë, kulturë, rini dhe sport, në Kuvendin e Kosovës.
Ishte edhe anëtar i komisionit funksional për bujqësi, pylltari, zhvillim rural, mjedis dhe planifikim hapësinor në Kuvendin e Kosovës, Anëtar i Bordit në SHA “TrainKos”, anëtar i Komisionit të Studimeve në UP, anëtar i Komisionit për nostrifikim të diplomave të arritura jashtë shteti, pranë MASHT-it.
