Raportimet nga Italia thonë se sulmuesi i Napolit, Gonzalo Higuain do të ndëshkohet me katër ndeshje moslojë, pas përjashtimit të tij me karton të kuq.
Argjentinasi morri kartonin e dytë të verdhë në humbjen 1:3 nga Udinese.
Higuain pas ndërhyrjes që bëri në kundërshtarin, pati një reagim të ashpër, madje shtyu edhe gjyqtarin Massimiliano Irrati, pastaj edhe bashkëlojtarët e tij.
Kështu Higuain mund të mungojë ndaj Verona, Inter, Bologna dhe Roma, nëse konfirmohet ky suspendim i tij.
