Thierry Henry ka këshilluar Arsenalin që të transferojë mesfushorin e Leicester Cityt, N’Golo Kante.
Londinezët janë jashtë garës për titull, derisa Kante ka shkëlqyer, duke i ndihmuar Leicesterit që të luftojë për titullin e Premier Ligës.
Golashënuesi më i mirë i Arsenalit, ka insistuar se ish-klubi i tij gjatë verës duhet të transferojë Kanten, së bashku me një sulmues të klasit botëror.
“Duket se Arsenali mundet dhe duhet të përfundojë në top-katërshe, por ata duhet të shkojnë edhe më tej, kjo u duhet në sezonin e ardhshëm”, ka thënë Henry për Sky Sports.
“Nëse [Alexis] Sanchez mund të luajë mirë dhe ne kemi Mesut Ozilin që mund të asistojë, atëherë ju mund të keni një sulmues që mund të realizojë në ato momente – ndoshta edhe N’Golo Kanten, ne kemi shumë emra që mund t’i transferojmë”.
