Vendimin e asamblistëve të Ferizajt që fshatit Babush i Serbëve t’i ndryshohet emri vetëm në Babush, drejtori i zyrës së Kosovës në Qeverinë e Serbisë, Marko Gjuriq, e ka quajtur “tentim për t’i fshirë gjurmët e ekzistimit të serbëve në Kosovë”.
“Autoritetet lokale në Ferizaj me këtë veprim po bëjnë pastrim etnik”, tha Gjuriq për mediat serbe.
Ai tha se asamblistëve të Ferizajt “nuk u pengon vetëm prania e serbëve, por edhe historia serbe”, andaj kjo, sipas tij, “nuk është asgjë tjetër vetëm manifestim politik shovinist dhe urrejtje e hapur”.
