Policia e Njësisë Rajonale të Komunikacionit Rrugor në rrugën ” Rexhep Bislimi” në Ferizaj ka ndaluar shoferin me inicialet A.R (M/K) 27 vjeçar i cili po drejtonte automjetin e udhëtarëve nën masën mbrojtëse , ndalimi i drejtimit të automjetit ( heqja e patentë shoferit) për 3 muaj nga data: 23.11.2021-22.02.2022.
Në lidhje me këtë policia, shoferit i shqiptoi edhe një gjobë, sipas ligjit të komunikacionit rrugor dhe ndaj tij i vazhdohet masa e ndalimit të patentë shoferit edhe për 3 muaj të tjerë.
Me këtë rast, Drejtoria Rajonale e Policisë në Ferizaj, apelon te shoferët e automjeteve që të respektojnë rregullat dhe ligjin e komunikacionit rrugor dhe fton qytetarët të bashkëpunojnë me policinë, për të gjitha kundërvajtjet që mund të shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406
Të dhënat e juaja do të ruhen në konfidencialitet të plotë.
