Një roje e një lokali në rrugën “Vëllezërit Gërvalla” në Ferizaj është gjetur pa shenja jete dje në lokalin ku punonte.
Rastin e ka konfirmuar zëdhënësi i Policisë për Rajonin e Ferizajt, Mehmetali Hajdini.
Hajdini ka bëërë me dije se për rastin janë njoftuar nga pronari i lokalit.
“Rasti ka ndodhur dje. Ne jemi informuar se është gjetur pa shenja jete një roje që ka qenë duke e siguruar një objekt afarist në fund të rrugës “Vëllezërit Gërvalla. Pronari i lokalit ka njoftuar edhe ekipet mjekësore, të cilat e kanë konfirmuar rastin. Personi është i moshës 60-vjeçare. Vd ekja dyshohet se është natyrale, meqenëse dyshohet se ai ka pasur edhe më herët probleme shëndetësore. Trupi i pa jetë është dërguar në IML për obduksion”, ka thënë Hajdini.
