28,03,2024

Gazetari i KosovaPress pengohet në detyrë dhe shoqërohet në stacion policorë në Podujevë

Must Read

unnamed

Eduard Halili, gazetarë praktikantë në Agjencinë e Lajmeve KosovaPress është penguar në detyrë nga dy policë të Podujevës. Gazetari Halili, përderisa po raportonte për situatën e krijuar në grevën e sotme të kompanive të autobusëve në Podujevë, i është kërkuar nga dy policë që të fshinte incizimet në të cilat shihet një policë duke provuar të arrestojë një qytetarë, i cili mund të jetë vozitës i taksive ilegale në këtë rajon.

Gazetari i KosovaPress nuk ka lejuar që policia t’i fshij incizimet e regjistruara dhe u ka paraqitur dokumentin identifikues të gazetarit, pronë e Agjencisë së Lajmeve KosovaPress. Edhe përkundër që policëve u është treguar dokumenti i gazetarit, ata kanë insistuar në fshirjen e video incizimeve të bëra nga ana e gazetarit, i cili nuk u është bindur kërkesave të policëve.

Gazetari Halili më pas është shoqëruar në stacionin policorë të qytetit. Gazetarit, gjatë rrugës për në stacion policorë i është marrë telefoni nga polici i cili ka nisur të ushtrojë edhe dhunë ndaj gazetarit, duke provuar që po ky policë të i fshijë vet materialet e incizuara nga telefoni i gazetarit. Ky policë ka ushtruar dhunë ndaj gazetarit Haliti duke ia përdredhur gishtat dhe shtrënguar në duar me forcë të madhe.

Agjencia e Lajmeve KosovaPress, është duke mbledhur informacione për rastin dhe po pret kthimin e gazetarit në redaksi. Deri atëherë kujtojmë se Agjencia ka telefonuar dhe kontaktuar zëdhënësen e Policisë në Podujevë, Antigona Çitakun, dhe stacionin e Policisë atje, duke shprehur shqetësimin për ndalesën që i kanë bërë gazetarit tonë.

KosovaPress do të kërkojë nga Inspektorati i Policisë dhe Asociacioni i Gazetarëve të Kosovës që të reagoj dhe hetoj rastin, duke kërkuar zbardhjen e rrethanave dhe lënien lirë të gazetarëve në raportimet e tyre për ngjarje me rëndësi për opinionin. /KosovaPress/

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img