FC Ferizaj ka qenë njëra ndër klubet që i ka shfrytëzuar edhe minutat e fundit të afatit kalimtar për transferimin e futbollistëve, duke arritur që ta regjistrojë futbollistin boshnjak Nermin Hajdarevic, raporton ekskluzivisht Gazetasheshi.com. Hajdarevic vjen nga Tuzla dhe luan në rolin e sulmuesit të krahut, ndërkohë që di ta bëj mjaft mirë edhe sulmuesin e qendrës.
20 vjeçari së fundmi ishte pjesë e skuadrës boshnjake Celik Zenica, ndërkohë që gjashtë muajt e kaluar ishte pjesë e FC Shkupit.
Ai mund ti bashkohet ekipit të Ferizajt në fazën përgatitore në Ohër, derisa është në pritje të kompletimit të dokumentacionit. Hajdarevic ka qenë njëri ndër talentët më premtues në futbollin boshnjak, derisa ka debutuar në moshë të re te skuadra e Zrinjski Mostar për tu transferuar më pas te Celik Zenica.
Ky do të ishte përforcimi i tretë i “Ujqve” në afatin kalimtar të janarit pas Albin Krasniqit dhe Filip Stojanovskit.
