Kryetari i Ferizajt, Muharrem Svarqa, ka pritur sot në një takim pune ministrin e Financave në Qeverinë e Kosovës, Abdullah Hoti, me të cilin ka biseduar për rrjedhën e realizmit të disa projekteve në komunën e Ferizajt të cilat po mbështeten nga Qeveria e Kosovës.
Pas takimit, kryetari Svarqa, e ka vlerësuar kontributin e kësaj ministrie dhe të ministrit Hoti, për krejt atë që po bënë në jetësimin e projekteve infrastrukturore në Ferizajt. Ai ka thënë se krahas kësaj është biseduar edhe për zhvillimet e ndryshme të afarizmit të suksesshëm të komunës Ferizajt, nga bizneset e fuqishme të komunës, të cilat po përmbushin me sukses obligimet e tyre në arkën e shtetit përmes kontributeve.
“Në kuadër të bisedave që patëm, natyrisht që unë në emër të qytetarëve të Ferizajt dhe qeverisë komunale e falënderova ministrin për angazhimin e tij permanent në dobi të realizimit të këtyre projekteve të cilat në asnjë mënyrë nuk do të ngecin si pasojë e ndonjë mungese të mjeteve financiare sado që një pjesë e tyre janë bartur për vitet në vijim. Ndërkaq pjesa më e madhe e orientimeve strategjike që lidhen me qytetin e Ferizajt janë duke u përmbushur siç janë, Fabrika për përpunimin e ujit të pijes në Talinoc, që do të realizohet me përkrahjen e kësaj ministrie. Në këtë aspekt po e presim një konfirmim pozitiv edhe për projektin e ujërave të zeza, ndërkaq ju e dini që ne, jemi të përfitues të kredive nga Banka Evropiane për rindërtim dhe Zhvillim(BERZH) për segmentin e rrugës nga pjesa magjistrale nga Prelez deri në fshatin Nikadin-Fshati i Vjetër, e cila pjesë e rrugës do të jetë me katër korsi dhe do të liroj qarkullimin”.Gjithashtu po zhvillohen punimet në segmentin e rrugës “Driton Islami” dhe po përfundojnë ato në rrugën “Brahim Ademi”.Siç e dini ka përfunduar së asfaltuar edhe rruga “Bësim Ndrecaj” që lidhen segmentin e rrugës “Brahim Ademi” deri në Bifurkacion” , ka thënë Svarqa.
Për më tepër Svarqa, ka përmendur edhe shqetësimet e qytetarëve dhe të biznesve për të pasur një qasje në magjistralen Ferizaj-Shkup.
“Që të dyja autostradat në një mënyrë e kanë anashkaluar qytetin e Ferizajt dhe mendoj se në formën që kanë nuk do të kenë një ndikim të drejtpërdrejt në zhvillimin ekonomik të komunës së Ferizajt, gjë që edhe e pohon vet ministri, por që janë të njoftuar edhe kryeministri dhe ministri i Infrastrukturë. Ne kemi një konfirmim pozitiv për të qenë përfitues të kredive nga BERZH-i për futjen e hekurudhës nën tokë në mënyrë që të kemi më në fund një integrim të qytetit, i cili për shkak të hekurudhës vazhdon të jetë i ndarë. Por edhe projektet tjera si spitali, unaza e jashtme të qytetit etj”, ka thënë Svarqa.
Në anën tjetër, ministri Hoti, ka thënë Qeveria e Kosovës do të vazhdoi t’i financojë projektet e komunës pa asnjë pengesë, dhe se nuk do të ketë vonesa në kryerjen e tyre.
“Biseduam për projektet madhore që janë duke u zhvilluar në komunën e Ferizajt siç është autostrada. Besoj se shqetësimi i kryetarit për qasje në autostradë është shumë i drejtë dhe besoi se ministri i infrastrukturës do të gjejë një zgjidhje të shpejt, pasi që është ngritur në nivel të kryeministrit. Është projekti tjetër i hekurudhës përmes BERZH-it, janë duke u bërë disa studime shtesë në mënyrë që ky projekt për Ferizajt t’i përshtatës infrastrukturës lokale dhe nevojave të qytetarëve. Edhe hyrjet dalje që financohen nga BERZH-i do ta përmirësojnë qarkullimin dhe cilësinë e jetesës së qytetarëve të atyre pjeseve. Për neve si ministri e Financave, regjioni i Ferizajt, është shumë i rëndësishëm për të hyrat që do t’i kemi, bashkëpunim shumë të afërt me kryetarin e komunës në trajtimin dhe ofrimin e shërbimeve sa më të mira për bizneset në regjionin e Ferizajt”, ka thënë Hoti, duke përmendur edhe disiplinën e lartë të komunës në menagjimin e parasë publike.
Gjatë kësaj vizite, ministri Hoti, ka vizituar edhe disa biznese prodhuese, si firmën për prodhimin e gypave të plastikës “Ferplast”, Fabrikën e konstruksioneve metalike”Eurometal” si dhe Administratën Tatimore të Kosovës në Ferizaj
