KV Ferizaj është fitues i Kupës së Kosovës 2024, pasi triumfoi në finalen e zhvilluar ndaj Dritës me rezultat 3:1.
Një përballje dramatike, me sete që u mbyllën me diferencë minimale, përfundoi në duart e Ferizajt, që e fiton këtë trofe për herë të dytë në histori.
Setet:
27:25 – Një betejë e vërtetë për çdo pikë, ku Ferizaj në momentet vendimtare arriti të sigurojë epërsinë e parë.
26:28 – Drita nuk u dorëzua dhe, pas një sete të luftuar, arriti të barazojë shifrat në 1:1.
28:26 – Seti i tretë ishte edhe më dramatik, por Ferizaj doli sërish triumfues, duke iu afruar titullit.
25:18 – Në setin e katërt, skuadra ferizajase shpërtheu dhe siguroi fitoren e madhe.
Ceremonia e Medaljeve dhe Çmimeve
Kapiteni i Ferizajt, Durin Rexhepi, e pranoi Kupën e Kosovës nga presidenti i Federatës së Volejbollit të Kosovës (FVK), Bahri Gjinovci.
Çmimi MVP i finales iu nda Adriatik Berishës, një nga lojtarët kyç të Ferizajt, nga sekretari i përgjithshëm i FVK-së, Valon Nikqi.
Medaljet për skuadrat finaliste u ndanë nga:
✅ Antigone Veseli – Anëtare e Bordit të FVK-së
✅ Gëzim Brahimi – Anëtar i Bordit të FVK-së
✅ Valon Xhafaj – Nënkryetar i FVK-së
✅ Habil Ajeti – Nënkryetar i Federatës së Volejbollit të Maqedonisë së Veriut dhe drejtor i sportit në Tetovë
Urime KV Ferizaj për triumfin dhe sukses të mëtejshëm në garat kombëtare!
