28,03,2024

Familja serbe nga Kosova: Shqiptarët po na sulmojnë tërë kohën

Must Read

gracanica-Large-690x380

Një familje serbe nga Kosova i kanë thënë të përditshmes serbe Vecernje Novosti, se dy vajzat e familjes janë ngacmuar nga disa shqiptarë dhe se keqtrajtimet u janë bërë jetë e përditshme, njofton Klan Kosova.

“Provokimet nga shqiptarët janë bërë pjesë e përditshme e jetës tonë, por pas sulmit të fundi që u është bërë dy vajzave tona, Aleksandrës (12) dhe Andjelija Jovanoviq (14), tani po frikohemi shumë për fëmijët tanë”.

Në këtë formë banorët e fshatit Vreoci, të Graçanicës e përshkruajnë atë që, sipas tyre, janë duke e vuajtur çdo ditë.

Siç thonë ata, incidenti i fundit ka ndodhur para disa dite kur disa shqiptarë të cilët voziteshin në një veturë kanë goditur dy vajzat dhe i kanë keqtrajtuar ato.

“Vajzat e mija ende nuk janë rikuperuar nga incidenti, por ne nuk e kemi raportuar atë në polici, sepse thjeshtë nuk ia vlen. Ata vetëm dëgjojnë dhe zakonisht nuk bëjnë asgjë për të gjetur sulmuesit”, thotë Danijela Jovanoviq, nëna e vajzave që pohon se ia sulmuan vajzat shqiptarët.

Ajo thotë se ende nuk e di qëllimin që kishin sulmuesit – dëshironin vetëm t’i ngacmonin, t’i rrihnin, apo edhe t’i kidnaponin – porse pohon që “jeta në këtë mënyrë u ka ardhur në maje të hundës”.

Sipas familjes serbe ngjarja ka ndodhur kur ata natën po ktheheshin nga disa të afërm në shtëpinë e tyre, dhe një veturë kishte ndalur aty pranë e disa njerëz kishin dalur nga vetura dhe i kishin sulmuar.

Vajzat thonë se e morën vesh që sulmuesit ishin shqiptarë pasi që e njohën gjuhën që flisnin ata – shqip.

Ata thonë se nuk i besojnë organeve të rendin në Kosovë, prandaj kërkojnë të paktën patrulla të herëpashershme të KFOR-it.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img