Publikuar më:
Falja e namazit të Kurban Bajramit, në Nikadin të Ferizajt, u bë në xhaminë që besohet të jetë 500 vjet e vjetër.
Objekti që kishte dalë nga funksioni me dekada u renovua e tash vihet në funksion për dy festat më të rëndësishme të myslimanëve.
Iniciatorë për ta rregulluar ishin Januz Mustafi dhe Ibush Berisha që tashmë është i ndjerë.
Imami Ibrahim Beqiri tha se është ndjenjë e papërshkrueshme që të jetë para xhematit në vendin që i janë drejtuar Zotit lutje për shekuj me radhë.
Të lumtur me faktin se mund të falen në këtë vend janë edhe të moshuarit të cilët kujtojnë rininë e tyre në këtë xhami.
